ଦଶପଲ୍ଲା ଷ୍ଟେସନ ଅଣସଂରକ୍ଷିତ ସଂରକ୍ଷିତ ଟିକେଟ୍ ସିଷ୍ଟମ୍ ଶୁଭାରମ୍ଭ ହୋଇଛି । କେନ୍ଦ୍ର ରେଳମନ୍ତ୍ରୀ ପ୍ରତିବଦ୍ଧତାକୁ ପାଳନ କରି ଦଶପଲ୍ଲା ରେଲୱେ ଷ୍ଟେସନରେ ଅଣସଂରକ୍ଷିତ ଟିକେଟ ସିଷ୍ଟମ୍ ସହିତ ପାସେଞ୍ଜର ସଂରକ୍ଷିତ ସିଷ୍ଟମ୍ ଟିକେଟ୍ କାଉଣ୍ଟରର ଖୋଲା ଯାଇଛି । ବର୍ତ୍ତମାନ ଯାତ୍ରୀମାନେ ଏହି କାଉଣ୍ଟରରୁ ଅଣସଂରକ୍ଷିତ ଟିକେଟ୍ ସହିତ, ଯେ କୌଣସି ଷ୍ଟେସନ ଠାରୁ ଯେ କୌଣସି ଷ୍ଟେସନ ପର୍ଯ୍ୟନ୍ତ ସମସ୍ତ ଟ୍ରେନରେ ସଂରକ୍ଷିତ ଟିକେଟ୍ ମଧ୍ୟ ବୁକ୍ କରିପାରିବ । ୬ ଜାନୁୟାରୀ ୨୦୨୪ରେ ଦଶପଲ୍ଲା ରେଲୱେ ଷ୍ଟେସନ ଉଦଘାଟନ ସମୟ ରେ ଜନସାଧାରଣ ଠାରୁ ମିଳିଥିବା ଦାବି ଅନୁଯାୟୀ, ରେଳମନ୍ତ୍ରୀ ଅଶ୍ଵିନୀ ବୈଷ୍ଣବ ଦଶପଲ୍ଲା ରେଲୱେ ଷ୍ଟେସନରେ ସଂରକ୍ଷଣ ଟିକେଟ୍ ବ୍ୟବସ୍ଥା କରାଯିବ ବୋଲି ପ୍ରତିଶୃତି ଦେଇଥିଲେ ।
୧୦ ଦିନ ମଧ୍ୟରେ ଅଣସଂରକ୍ଷିତ ଟିକେଟ୍ ସିଷ୍ଟମ୍ ସହିତ- ପାସେଞ୍ଜର ସଂରକ୍ଷିତ ସିଷ୍ଟମ୍ ଟିକେଟ୍ କାଉଣ୍ଟରର ଖୋଲାଯାଇଛି । ବର୍ତ୍ତମାନ ଦଶପଲ୍ଲା ରେଲୱେ ଷ୍ଟେସନରେ ଏହି ଟିକେଟ୍ କାଉଣ୍ଟରରେ ଯାତ୍ରୀମାନେ ଉଭୟ ସଂରକ୍ଷିତ ଏବଂ ଅଣସଂରକ୍ଷିତ ଟିକେଟ୍ କ୍ରୟ କରିପାରିବେ । ସଂରକ୍ଷିତ ଟିକେଟ୍ ସୁବିଧା ରବିବାର ବ୍ୟତୀତ ସକାଳ ୮ ଘଣ୍ଟାରୁ ଅପରାହ୍ନ ୧୫ ଘଣ୍ଟା ପର୍ଯ୍ୟନ୍ତ ସମସ୍ତ କାର୍ଯ୍ୟ ଦିନରେ ଉପଲବ୍ଧ ହେବ ଏବଂ ଅଣସଂରକ୍ଷିତ ସଂରକ୍ଷିତ ଟିକେଟ୍ ସୁବିଧା ୨୪ ଘଣ୍ଟା ଉପଲବ୍ଧ ହେବ ବୋଲି ସୂଚନା ମିଳିଛି ।ନୟାଗଡ଼ ରୁ ଜିତୁନ ମହାପାତ୍ର ଙ୍କ ରିପୋଟ ନୟାଗଡ଼ ଟୁଡ଼େ
