ଭାରତବାସୀଙ୍କୁ ସ୍ୱଳ୍ପ ସମୟ ଏବଂ ବିନା ମୂଲ୍ୟରେ ନ୍ୟାୟ ଯୋଗାଇବା ଉଦ୍ଦେଶ୍ୟରେ ନଭେମ୍ବର ୯ ତାରିଖ ୧୯୯୫ ମସିହାରୁ, ଜାତୀୟ ଆଇନ ସେବା ପ୍ରାଧିକରଣ ଗଠନ କରାଯାଇଅଛି । ଏହି ଉଦ୍ଦେଶ୍ୟରେ ଆଜିର ଦିବସ ନଭେମ୍ବର ୯ କୁ ଜାତୀୟ ଆଇନ ସେବା ଦିବସ ରୂପେ ପାଳନ କରାଯାଉଅଛି । ଏହି ପରିପ୍ରେକ୍ଷୀରେ ନୟାଗଡ଼ ଜିଲ୍ଲା ଆଇନ ସେବା ପ୍ରାଧିକରଣ ଆନୁକୂଲ୍ୟରେ ଜିଲ୍ଲା ଓ ଦୌରାଜଜ ତଥା ଅଧ୍ୟକ୍ଷ, ନୟାଗଡ଼ ଜିଲ୍ଲା ଆଇନ ସେବା ପ୍ରାଧିକରଣ ଆନନ୍ଦ ନାରାୟଣ ମହାରଣାଙ୍କ ନିର୍ଦେଶ କ୍ରମେ ଏବଂ ସଚିବ ଅଞ୍ଜଳି ମଛଖଣ୍ଡଙ୍କ ତତ୍ୱାବଧାନରେ, ରଙ୍ଗୋଲି , ରାଲି , ପଥପ୍ରାନ୍ତ ନାଟକ ଏବଂ ସଚେତନତା ମାଧ୍ୟମରେ ଏହା ପାଳିତ ହୋଇଯାଇଅଛି ।
ଜିଲ୍ଲା ଜଜ ଏହି ଉଦ୍ଦେଶ୍ୟରେ ସମର୍ପିତ ରଙ୍ଗୋଲି ପ୍ରଦକ୍ଷଣ କରିବା ସହିତ, ରାଲିକୁ ଉଦଘାଟନ କରି, ରାଲିରେ ଅଂଶ ଗ୍ରହଣ କରିଥିଲେ । ପରିବାର ଅଦାଲତ ବିଚାରପତି ସୁବ୍ରତ କୁମାର ପଟ୍ଟନାୟକ, ପୋସ୍କୋ ଅଦାଲତ ବିଚାରପତି ମାନସ କୁମାର ପଣ୍ଡା, ମହିଳା ଅଦାଲତ ବିଚାରପତି ସ୍ଵୟଂପ୍ରଭା ଆଚାର୍ୟ, ବରିଷ୍ଠ ସିଭିଲ ଜଜ ରବିନାରାୟଣ ବେହେରା, ରେଜିଷ୍ଟର ଡ. ନିଶାକର ସାହୁ ଏବଂ ଏସ.ଡି.ଯେ.ଏମ ସୋନାଲୀ ସରିତା ପ୍ରମୁଖ ଉପସ୍ଥିତ ଥିଲେ । ବଜେନ୍ଦ୍ର ଉଚ୍ଚ ବିଦ୍ୟାଳୟ ଛାତ୍ର ଛାତ୍ରୀ, ନ୍ୟାୟ ଅଧିକାର ମିତ୍ର, ଆଇନଜୀବୀ, ପୋଲିସ ଏବଂ ସାମ୍ବାଦିକ ମାନେ ଏଥିରେ ସହଯୋଗ କରିଥିଲେ ।
ନୟାଗଡ ଟ୍ରାଫିକ ପୋଷ୍ଟ ପାଖରେ “ସମସ୍ତଙ୍କ ପାଇଁ ନ୍ୟାୟ” ବିଷୟରେ ଏକ ପଥପ୍ରାନ୍ତ ନାଟକ, ନ୍ୟାୟ ଅଧିକାର ମିତ୍ର ମାନଙ୍କ ଦ୍ୱାରା ପରିବେଷଣ କରାଯାଇଥିଲା
ଏହାପରେ ବଜେନ୍ଦ୍ର ଉଚ୍ଚ ବିଦ୍ୟାଳୟରେ ଜାତୀୟ ଆଇନ ସେବା ପ୍ରାଧିକରଣ ସଙ୍ଗୀତ “ଏକ ମୁଠି ଆସମାନ” ସଙ୍ଗୀତ ଗାନ ସହ ପବନ କୁମାର ବେହେରାଙ୍କ ସଂଯୋଜନାରେ ସଚିବ ତଥା ବରିଷ୍ଠ ବର୍ଗ ବିଚାରପତି ଅଞ୍ଜଳି ମଛଖଣ୍ଡ, ବରିଷ୍ଠ ବର୍ଗ ବିଚାରପତି ରବିନାରାୟଣ ବେହେରା, ବରିଷ୍ଠ ସରକାରୀ ଆଇନଜୀବୀ ଦଣ୍ଡପାଣି ସ୍ୱାଇଁ, ସଦସ୍ୟ ମହମ୍ମଦ ଓମାର ମାଲିକ, ବରିଷ୍ଠ ଆଇନଜୀବୀ ରମେଶ ଚନ୍ଦ୍ର ମହାରଣା ଏବଂ ପୁଷ୍ପାଞ୍ଜଳି ମିଶ୍ର ଏହି ଦିବସର ବିଶେଷତ୍ୱ ଉପରେ ନିଜ ନିଜର ବକ୍ତବ୍ୟ ରଖିଥିଲେ । ସମାଜସେବୀ ଉଷା ପଟ୍ଟନାୟକ, ପ୍ରାଧିକରଣ ସଭ୍ୟା କ୍ଷଣପ୍ରଭା କର, ଅଧିକାର ମିତ୍ର ମାନସ ବଳବନ୍ତ ରାୟ ନିଜ ନିଜର ଅନୁଭୂତି ବର୍ଣ୍ଣନା କରିଥିଲେ । ଛାତ୍ରୀ ଲୋପାମୁଦ୍ରା ଦାସ ଏବଂ ପ୍ରିୟଦର୍ଶିନୀ ଦୋରା ଏହି ଉଦ୍ଦେଶ୍ୟରେ ଏକ ସଙ୍ଗୀତ ପରିବେଷଣ କରିଥିଲେ । ଶିକ୍ଷକ ଅଜୟ କୁମାର ମିଶ୍ର ଏବଂ ପ୍ରାଧିକରଣର କର୍ମଚାରୀ ବୃନ୍ଦ ସମଗ୍ର କାର୍ଯକ୍ରମକୁ ସଂଯୋଜନା କରିଥିଲେ । ସର୍ବଶେଷରେ ବ୍ରଜେନ୍ଦ୍ର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଉମାକାନ୍ତ ସେଠୀ ଧନ୍ୟବାଦ ଅର୍ପଣ କରିଥିଲେ ।
