ନୟାଗଡ଼ ବ୍ଲକ ଅନ୍ତର୍ଗତ ବାଲୁଗାଁ ଗ୍ରାମ ପଞ୍ଚାୟତ ଜୟମଙ୍ଗଳପ୍ରସାଦ ଗ୍ରାମର ବାଉରୀବନ୍ଧୁ ଗୁରୁଙ୍କ ପୁତ୍ର ନିରଞ୍ଜନ ଗୁରୁ ଭାରତୀୟ ସେନାବାହିନୀରେ କାର୍ଯ୍ୟ କରି ଆସୁଥିଲେ ।ଆଜ କୁ ୨୪ ବର୍ଷ ଧରି ସେବା କରିବା ପରେ ଆଜି ଅବସର ନେଇ ନିଜ ଗ୍ରାମକୁ ଫେରି ଆସିଛନ୍ତି । ବାଲୁଗାଁର ସମାଜସେବୀ ସଞ୍ଜୟ କୁମାର ନାୟକଙ୍କ ସଂଯୋଜନାରେ ଜବାନଙ୍କୁ ନିଜ ଜନ୍ମ ମାଟିର ଭବ୍ୟ ସ୍ଵାଗତ ସମ୍ବର୍ଦ୍ଧନା କରାଯାଇଛି । ବାଜା ବଜାଇ ବାଣ ଫୁଟାଇ ଗ୍ରାମରେ ମିଷ୍ଟାନ୍ନ ବଣ୍ଟନ କରି ଏକ ଶୋଭା ଯାତ୍ରାରେ ଜବାନଙ୍କୁ ଗ୍ରାମ ପରିକ୍ରମା କରାଯାଇଥିଲା ।
ଏହି କାର୍ଯ୍ୟକ୍ରମରେ ବିଜେପି ନେତା ସନ୍ତୋଷ କୁମାର ପ୍ରଧାନ ବିଜେପି ଯୁବ ମୋର୍ଚ୍ଚା ରାଜ୍ୟ କାର୍ଯ୍ୟକାରୀ ସଦସ୍ୟ ଅଜୟ ନାୟକ, ପ୍ରଫୁଲ୍ଲ କୁମାର ସାହୁ, ଶରତ ଯୁଝାର ସିଂ ପ୍ରମୁଖ ଉପସ୍ଥିତ ରହିଥିଲେ । ଏଭଳି ନିଆରା ପ୍ରୟାସ ସମସ୍ତଙ୍କପାଇଁ ପ୍ରେରଣାର ଉତ୍ସ ହେବା ସହିତ ନୂତନ ଯୁବ ପିଢିଙ୍କୁ ଦେଶ ସେବାରେ ସମର୍ପିତ କରିବାରେ ସହାୟକ ହେବବୋଲି ପ୍ରକାଶ ପାଇଛି । ଏହି କାର୍ଯ୍ୟକ୍ରମରେ ବସନ୍ତ ପଟ୍ଟା ନାୟକ ଧନ୍ୟବାଦ ଅର୍ପଣ କରିଥିଲେ ।
