ରାଜ୍ୟ ସରକାର ଶ୍ରୀକ୍ଷେତ୍ର ପରିକ୍ରମା ପ୍ରକଳ୍ପର ଲୋକାର୍ପଣ ସମାରୋହ ଆସନ୍ତା ୧୨ ତାରିଖରୁ ୧୭ତାରିଖ ମଧ୍ୟରେ ଭବ୍ୟ ଢଙ୍ଗରେ ପାଳନ କରିବାକୁ ଯାଉଛନ୍ତି । ଏହି ଅବସରରେ ବିଭିନ୍ନ ଗାଁ ଗଣ୍ଡାରେ ଭ୍ରମଣ କରୁଛି ଜଗନ୍ନାଥ ଅର୍ପଣ ରଥ ।
ସାଧାରଣ ଜନତା ଅରୁଆ ଓ ଗୁଆ ଆଦି ସମର୍ପଣ କରୁଛନ୍ତି । ଆଜି ଓଡ଼ଗାଁ ବ୍ଲକ ଅନ୍ତର୍ଗତ କୁରାଳଗ୍ରାମ ପଞ୍ଚାୟତ ଲିଙ୍ଗରାଜ ପ୍ରସାଦ ଗ୍ରାମରୁ ଏହି ରଥ ଶୁଭାରମ୍ଭ ହୋଇଛି ।
ସେହିପରି ଭାବ ଦଣ୍ଡୋର ଗ୍ରାମରେ ଏହି ରଥର ଶୁଭାରମ୍ଭ କରାଯାଇଛି । ଓଡ଼ଗାଁ ବ୍ଲକର ୨ଗୋଟି ଜୋନର ପ୍ରତ୍ୟେକ ଜୋନରେ ଗୋଟାଏ ଗୋଟାଏ ଗୋଟାଏ ଜଗନ୍ନାଥ ଅର୍ପଣ ରଥ ବୁଲିବ । ଓଡ଼ଗାଁ ବ୍ଲକ ଅଧ୍ୟକ୍ଷ ଲୋକନାଥ ସାହୁ, ଜିଲ୍ଲା ପରିଷଦ ବିରଜା ଲକ୍ଷ୍ମୀ ସାହୁ , ଝିଲ୍ଲୀ ପ୍ରଧାନ, କୁରାଳ ସରପଞ୍ଚ ବିଜନ ପାଇକ ରାୟ ଓ ସ୍ଥାନୀୟ ବିଡିଓ ଜିତେନ୍ଦ୍ର କୁମାର ନାୟକ ପ୍ରମୁଖ ଉପସ୍ଥିତ ରହି ଉକ୍ତ ରଥର ଶୁଭାରମ୍ଭ କରିଥିଲେ । ବହୁ ଜଗନ୍ନାଥ ପ୍ରେମୀ ଭକ୍ତ କାର୍ଯ୍ୟକ୍ରମରେ ସାମିଲ ରହି ଜଗନ୍ନାଥ ଅର୍ପଣ ରଥକୁ ସ୍ଵାଗତ କରିଥିଲେ । ଘଣ୍ଟ ଓ ସଂକୀର୍ତନ ଆଦି ସାଂସ୍କୃତିକ କାର୍ଯ୍ୟକ୍ରମରେ ଉକ୍ତ ଅଞ୍ଚଳ ଉତ୍ସବ ମୁଖରିତ ହୋଇଥିଲା ।
