ନୟାଗଡ଼ ଜିଲ୍ଲା ଅନ୍ତର୍ଗତ ଗଣିଆ ବନବିଭାଗ ତରଫରୁ ଶୁକ୍ରବାର ବିଶ୍ୱ ବନ ଦିବସ ପାଳିତ ହୋଇ ଯାଇଛି। ଏହି ଅବସରରେ ଗଣିଆ ବନ ବିଭାଗ କାର୍ଯ୍ୟାଳୟ ପରିସରରୁ ଏକ ସଚେତନତା ଶୋଭାଯାତ୍ରା ବାହାରି ଗ୍ରାମ ପରିକ୍ରମା କରିଥିଲା । ଉକ୍ତ କାର୍ଯ୍ୟକ୍ରମରେ ଏସି ଏଫ୍ ତଥା ଗଣିଆ ରେଞ୍ଜର ସୁମନ ମାଝୀ , ଫରେଷ୍ଟର ମନୋଜ ପ୍ରଭାକର ସାହୁ , ମଧ୍ୟଖଣ୍ଡ ଫରେଷ୍ଟର ସନ୍ତୋଷ ଦୋରା , ଫରେଷ୍ଟର ସନ୍ତୋଷ କୁମାର ପ୍ରଧାନ , ଫରେଷ୍ଟଗାର୍ଡ ଧରଣୀଧର ନାୟକ , ଫରେଷ୍ଟଗାର୍ଡ କୁନି ଓଝା , ବନଶ୍ରି ନାୟକ , ବୈଷ୍ଣବୀ ନାୟକ , ବିପିନ ବେହେରା , ପାରା ଷ୍ଟାଫ୍ ଙ୍କ ସମେତ ବିଭାଗର ସମସ୍ତ କର୍ମଚାରୀ ଉପସ୍ଥିତ ଥିଲେ ।
ଚଳିତବର୍ଷ ବିଶ୍ଵ ବନଦିବସ ପାଳନ ଅବସରରେ ଜଙ୍ଗଲଜାତ ଖାଦ୍ୟ ପଦାର୍ଥର ସୁବିନିଯୋଗ କିପରି କରିବା ସେ ବିଷୟରେ ଜନସଚେତନତା ସୃଷ୍ଟି କରାଯାଇଥିଲା । ତତ୍ ସଙ୍ଗେ ସଙ୍ଗେ ବନ୍ୟ ଜନ୍ତୁ ଶିକାର ନ କରିବା , ଜଙ୍ଗଲରେ ନିଆଁ ନ ଲଗାଇବା , ବୃକ୍ଷରୋପଣ କରିବା ଓ ନୂତନ ଜଙ୍ଗଲ ସୃଷ୍ଟି କରିବା ପାଇଁ ସ୍ଲୋଗାନ ଦେଇ ଶୋଭାଯାତ୍ରା କରିଥିଲେ ।ଏହି କାର୍ଯ୍ୟକ୍ରମରେ ଗଣିଆ ଆର୍ ସି ସାମନ୍ତରାୟ ମହାବିଦ୍ୟାଳୟର ଛାତ୍ରଛାତ୍ରୀମାନେ ଯୋଗ ଦେଇଥିଲେ । ଫରେଷ୍ଟର ମନୋଜ ପ୍ରଭାକର ସାହୁ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏହି କାର୍ଯ୍ୟକ୍ରମ କରାଯାଇଥିବା ସୂଚନା ମିଳିଛି ।
