ନୂଆଗାଁ ବ୍ଲକ ଅନ୍ତର୍ଗତ ମାଳିସାହି ସରସ୍ଵତୀ ଶିଶୁ ମନ୍ଦିର ପରିସର ରେ ଜନ୍ମାଷ୍ଟମୀ ଉତ୍ସବ ମହସମାରୋହ ରେ ପାଳିତ ହୋଇଯାଇଛି । ବିଦ୍ୟା ମନ୍ଦିର ର ପ୍ରଧାନ ଆଚାର୍ଯ୍ୟ ମନୋରଞ୍ଜନ ପଣ୍ଡା ପ୍ରଦୀପ ପ୍ରଜ୍ବଳନ କରି ଉତ୍ସବ କୁ ଉଦ୍ଘାଟନ କରିବା ସହିତ ପ୍ରତ୍ୟେକ ଛାତ୍ର ଛାତ୍ରୀ ଓ ଅଭିଭାବକ ସମୟାନୁବର୍ତିତ ହେବା ପାଇଁ ପରାମର୍ଶ ଦେଇଥିଲେ। ଏହି ଉତ୍ସବ ଅବସରରେ ଶିଶୁ ମାନଙ୍କ ମଧ୍ୟରେ ବେଶ ପ୍ରତିଯୋଗିତା ଓ ପ୍ରଶ୍ନ ପ୍ରତିଯୋଗିତା ଆୟୋଜନ କରାଯାଇଥିଲା ।
ବେଶ ପ୍ରତିଯୋଗିତା ରେ ୩୬ ଜଣ ଶିଶୁ ରାଧା ବେଶ ଓ କୃଷ୍ଣ ବେଶ ରେ ସଜ୍ଜିତ ହୋଇ ଉପସ୍ଥିତ ସମସ୍ତ ଦର୍ଶକଙ୍କର ଦୃଷ୍ଟି ଆକର୍ଷଣ କରିଥିଲେ। ପ୍ରତିଯୋଗିତା ର ବିଚାରକ ଭାବେ କ୍ରିଦାଶପୁର ସରକାରୀ ମଧ୍ୟ ଇଂରାଜୀ ବିଦ୍ୟାଳୟ ର ପ୍ରଧାନ ଶିକ୍ଷକ ରାଧାମୋହନ ପତି ଯୋଗ ଦେଇ ଶିଶୁ ମାନଙ୍କୁ ପଢ଼ିବା , ଗଢ଼ିବା ଓ ବଢିବା ପାଇଁ ପ୍ରେରଣା ଦେଇଥିଲେ । ଅନୁଷ୍ଠାନ ର ପରିଚାଳନା ସମିତି ର କୋଷାଧ୍ୟକ୍ଷ ତ୍ରିନାଥ ମହାପାତ୍ର ଉତ୍ସବ ରେ ଯୋଗ ଦେଇ ଶିଶୁ ମାନେ ସୁନାଗରିକ ହୋଇ ଦେଶ ଗଠନ ରେ ସହାୟକ ହେବାକୁ ଆଶୀର୍ବାଦ ପ୍ରଦାନ କରିଥିଲେ।ବିଦ୍ୟା ମନ୍ଦିର ର ଗୁରୁମା ମାନଙ୍କ ସକ୍ରିୟ ସହଯୋଗ ରେ କାର୍ଯ୍ୟକ୍ରମ ସଫଳ ହେଇଥିଲା।
