ଜନ ଶିକ୍ଷଣ ସଂସ୍ଥାନ, ନୟାଗଡ଼ ଦ୍ଵାରା ୭୮ତମ ସ୍ୱାଧୀନତା ଦିବସ ସଂସ୍ଥାନର ମୁଖ୍ୟ କାର୍ଯ୍ୟାଳୟ,ନୟାଗଡ଼ ଠାରେ ଅନୁଷ୍ଠିତ ହୋଇଯାଇଅଛି । ଉକ୍ତ ଉତ୍ସବ ରେ ସଂସ୍ଥାନ ର ଅଧ୍ୟକ୍ଷ ଶ୍ରୀଯୁକ୍ତ ଦୈତାରୀ ବରାଳ ପତାକା ଉତ୍ତୋଳନ କରିଥିଲା ବେଳେ ସଂସ୍ଥାନର କର୍ମଚାରୀ ଓ ପ୍ରଶିକ୍ଷିକା ସମବେତ ଜାତୀୟ ସଂଗୀତ ଗାନ କରିଥିଲେ ।
ଏହାପରେ ଲାଠିପଡ଼ା ଗ୍ରାମ ଠାରେ, ସଂସ୍ଥାର ସମସ୍ତ ରିସୋ ର୍ସ ପର୍ସନ , କର୍ମଚାରୀ ଓ ହିତାଧିକାରୀ ମାନଙ୍କୁ ନେଇ ଏକ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ଲାଠିପଡ଼ା ଗ୍ରାମ ର ଗ୍ରାମବାସୀଙ୍କ ପରାମର୍ଶ କ୍ରମେ ଗ୍ରାମର ରାମମନ୍ଦିର ପ୍ରାଙ୍ଗଣ ଓ ପୋଖରୀ ହୁଡ଼ାରେ ବିଭିନ୍ନ ପ୍ରକାରର ଔଷଧୀୟ ବୃକ୍ଷ ରୋପଣ କରାଯାଇଥିଲା । ଏହି କାର୍ଯ୍ୟକ୍ରମରେ ସଂସ୍ଥାନ ର ଅଧକ୍ଷ ଶ୍ରୀଯୁକ୍ତ ଦୈତାରୀ ବରାଳ, ନିର୍ଦେଶକ ଶ୍ରୀଯୁକ୍ତ ମନୋଜକୁମାର ସେଠୀ, ସମସ୍ତ କର୍ମଚାରୀ ଓ ହିତାଧିକାରୀ ୧୦୦ରୁ ଉର୍ଦ୍ଧ୍ଵ ଚାରା ରୋପଣ କରିଥିଲେ ।
