ନନ୍ଦୀଘୋରରେ ପାର୍ବତୀ ଦେବୀଙ୍କ ନୂତନ ମନ୍ଦିର ଓ ବିଗ୍ରହ ପ୍ରତିଷ୍ଠା

ନୟାଗଡ଼ ନିର୍ବାଚନ ମଣ୍ଡଳୀ ଅନ୍ତର୍ଗତ ଓଡ଼ଗାଁ ବ୍ଲକ ନନ୍ଦୀ ଘୋର ଗ୍ରାମରେ ଆଜି ନୀଳକଣ୍ଠେଶ୍ଵର ଦେବଙ୍କ ମନ୍ଦିର ନବୀକରଣ, ପାର୍ବତୀ ଦେବୀଙ୍କ ନୂତନ ମନ୍ଦୀର ଓ ବିଗ୍ରହ ପ୍ରତିଷ୍ଠା ଉତ୍ସବ ପାଳନ ହୋଇଛି । ଏଥି ସହିତ ନବଗ୍ରହଙ୍କ ନୂତନ ମନ୍ଦିର ଓ ବିଗ୍ରହ ପ୍ରତିଷ୍ଠା ସହିତ ଭୋଗ ମଣ୍ଡପ, ରୋଷଘର ପ୍ରତିଷ୍ଠା ଉତ୍ସବ ଓ ବିଶ୍ଵ ଶାନ୍ତି ମହାଯଜ୍ଞ ଅନୁଷ୍ଠିତ ହୋଇଛି । ଗତ ୧୦ ତାରିଖରୁ ଅଙ୍କୁରା ରୋପଣ ସହିତ ଆଜି କଳସ ଯାତ୍ରା, ପାର୍ବତୀ ଦେବୀଙ୍କ ମନ୍ଦିରର ରତ୍ନ ମୁଦସହିତ ଯଜ୍ଞ ଆରମ୍ଭ ହୋଇଛି ।

ଆଜିର ଏହି କାର୍ଯ୍ୟକ୍ରମରେ ନୟାଗଡ଼ ବିଧାୟକ ଡ଼.ଅରୁଣ କୁମାର ସାହୁ, ବିଜେଡ଼ି ନେତ୍ରୀ ଇରାନୀ ରାୟ, ଓଡ଼ଗାଁ ବ୍ଲକ ଅଧ୍ୟକ୍ଷ ଲୋକନାଥ ସାହୁ, ଜିଲ୍ଲା ପରିଷଦ ବିରଜା ଲକ୍ଷ୍ମୀ ସାହୁ, ସରପଞ୍ଚ ଶ୍ଵେତଲୀନା ମିଶ୍ର, ସମିତି ସଭ୍ୟା ମାନସ ସ୍ଵାଇଁ ପ୍ରମୁଖ କଳସ ଯାତ୍ରାରେ ସାମିଲ ହୋଇଥିଲେ । ଏଥି ସହିତ ବିଭିନ୍ନ ସଂକୀର୍ତନ ମଣ୍ଡଳୀ, ବରିଷ୍ଠ କର୍ତା ତାପସ ରଞ୍ଜନ ପାଢ଼ୀ ପ୍ରମୁଖ ସାମିଲ ହୋଇ କାର୍ଯ୍ୟକ୍ରମକୁ ଆଗେଇନେଇଛନ୍ତି ।ଆସନ୍ତାକାଲିଠାରୁ ଯଜ୍ଞ ନାମ ସଂକୀର୍ତନ ଅନୁଷ୍ଠିତ ହେବ ।୧୩ ତାରିଖ ଦିନ ବିଗ୍ରହ ପ୍ରତିଷ୍ଠା, ପୂର୍ଣ୍ଣାହୁତି ଓ ପ୍ରସାଦ ସେବନ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ସୂଚନା ମିଳିଛି । ଏଥିରେ ସମସ୍ତ ସାହିର ସଭାପତି ମାନେ ସାମିଲ ହୋଇଛନ୍ତି । ଆଜି ଦେବୀ ଙ୍କ ମନ୍ଦିରର ରତ୍ନ ମୁଦ ଶୁଭକାର୍ଯ୍ୟ ଶେଷ ହୋଇଛି ।