ନୟାଗଡ ପୌରାଞ୍ଚଳ ଅନ୍ତର୍ଗତ ନିଉ ଟାଉନ ପ୍ରାଥମିକ ବିଦ୍ୟାଳୟରେ ଛାତ୍ର ଛାତ୍ରୀ ମାନେ 10ଘଟିକା ସମୟ ରେ ସ୍କୁଲ ଗେଟରେ ତାଲା ମାରି ଆନ୍ଦୋଳନରେ ସାମିଲ ହେଲେ । ଉକ୍ତ ସ୍କୁଲରେ ପ୍ରଥମରୁ ପଞ୍ଚମ ପର୍ଯ୍ୟନ୍ତ ୩୪ ଜଣ ଛାତ୍ର ଛାତ୍ରୀ ପାଠ ପଢୁଛନ୍ତି । ସ୍କୁଲ କମିଟିର ସଭାପତି କହିବା ମୁତାବକ ୨୦୨୩ ମସିହାରେ ଜଣେ ଶିକ୍ଷକ ଏହି ସ୍କୁଲରୁ ଅବସର ନେଇଥିଲେ । ପରମୁହୁର୍ତ୍ତରେ ୨୦୨୪ ମସିହାରେ ଆଉ ଜଣେ ଶିକ୍ଷକ ଅବସର ନେଇଥିଲେ ।
ଜଣେ ମାତ୍ର ଶିକ୍ଷକ ସମସ୍ତ କ୍ଲାସରେ ପାଠ ପଢାଇବା ପାଇଁ ସମ୍ଭବ ନୁହେଁ । ଏଥି ନିମନ୍ତେ ଜିଲ୍ଲା ଶିକ୍ଷା ଅଧିକାରୀ ଓ ବ୍ଲକ ଶିକ୍ଷା ଅଧିକାରୀ ମାନଙ୍କୁ ବାରମ୍ଵାର ଦୃଷ୍ଟିଗୋଚର କରାଯାଇଥିଲା । ନୂତନ ଶିକ୍ଷକ ନିଯୁକ୍ତ ହେଲେ ଉକ୍ତ ସ୍କୁଲ କୁ ଜଣେ ଶିକ୍ଷକଙ୍କୁ ଦିଆଯିବ ବୋଲି ପ୍ରତିଶୃତି ଦେଇ
ଥିଲେ ।ନୂଆ ଶିକ୍ଷକ ନିଯୁକ୍ତି ହୋଇଥିଲେ ମଧ୍ୟ ଉକ୍ତ ସ୍କୁଲକୁ ଶିକ୍ଷକ ଦେଇ ନଥିବାରୁ ଆଜି ଅଭିଭାବକ ଓ ଛାତ୍ର ଛାତ୍ରୀ ମାନେ ଆନ୍ଦୋଳନରେ ସାମିଲ ହୋଇଥିଲେ । ଆଉ ଜଣେ ଶିକ୍ଷକଙ୍କୁ ଏହି ସ୍କୁଲକୁ ଡେପୁଟେସନରେ ଦିଆଯାଇଥିଲେ ମଧ୍ୟ ସେ ପ୍ରାୟ ସମୟ ସ୍କୁଲ ନଆସି ଅନ୍ୟାନ୍ୟ ଅଫିସ କାର୍ଯ୍ୟରେ ନିୟୋଜିତ ରହୁଛନ୍ତି । ଛାତ୍ର ଛାତ୍ରୀ ମାନଙ୍କ ଆନ୍ଦୋଳନ ଖବର ପାଇ ବ୍ଲକ ଶିକ୍ଷା ଅଧିକାରୀ ନିମାଇଁ ଚରଣ ପ୍ରଧାନ ଆସି ଛାତ୍ର ଛାତ୍ରୀ ଓ ଅଭିଭାବକ ମାନଙ୍କୁ ଭେଟି ତୁରନ୍ତ କାର୍ଯ୍ୟାନୁଷ୍ଠାନ ନିଆଯିବ ବୋଲି ପ୍ରତିଶୃତି ଦେଇଥିଲେ । ଏହାପରେ ଛାତ୍ର ଛାତ୍ରୀ ମାନେ ଆନ୍ଦୋଳନରୁ ହଟିଥିଲେ ।
