ନୟାଗଡ଼ ଜିଲ୍ଲା ଛାତ୍ର କଂଗ୍ରେସ ତରଫରୁ ଜାତିର ପିତା ମହାତ୍ମା ଗାନ୍ଧୀଙ୍କ ତିରୋଧାନ ଦିବସ ଏବଂ ବନ୍ଧୁ ମିଳନ ଆଜି ନୟାଗଡ଼ ଜିଲ୍ଲା ଛାତ୍ର କଂଗ୍ରେସ ସଭାପତି ଶ୍ରୀ ଜ୍ୟୋତିରଞ୍ଜନ ଦାଶଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଅଛି। ନୟାଗଡ଼ ଇରିଗେସନ ବଙ୍ଗଳାଠା ରୁ ଆଜି 12ଘଟିକା ସମୟ ରେ ଛାତ୍ର କଂଗ୍ରେସ ରାଜ୍ୟ ସଭାପତି ଶ୍ରୀ ଉଦିତ ପ୍ରଧାନଙ୍କ ନେତୃତ୍ୱରେ ରାଷ୍ଟ୍ରୀୟ ମହାସଚିବ ତଥା ରାଜ୍ୟ ପ୍ରଭାରୀ ଚୁନୁ ସିଂ, ରାଜ୍ୟ ଯୁବ କଂଗ୍ରେସ ସାଧାରଣ ସମ୍ପାଦକ ନିହାର ରଞ୍ଜନ ବେହେରା, ଜିଲ୍ଲା କଂଗ୍ରେସ ସଭାପତି ରଞ୍ଜିତ ଦାଶ, ବରିଷ୍ଠ ନେତା ମନୋଜ ସାହୁ, କମଳ ସାହୁ, ପ୍ରତୀକ ମହାପାତ୍ର, ଛାତ୍ର ନେତା ଶିବ ରଞ୍ଜନ ସାହୁ, ଛାତ୍ର ନେତା କାନହୁ ବିଶ୍ୱାଳ, ଜୁଲଫିକର ଖାଁ ସମେତ ଶତାଧିକ ଛାତ୍ର କଂଗ୍ରେସ କର୍ମୀ ପଦଯାତ୍ରା କରି ତ୍ରିନାଥ ଛକ ସ୍ଥିତ ଗାନ୍ଧୀ ମୂର୍ତ୍ତିରେ ପୁଷ୍ପମାଳ ପ୍ରଦାନ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ଶେଷରେ ନୂଆ ରାଜବାଟିଠାରେ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଯେଉଁଥିରେ ଉପସ୍ଥିତ ଅତିଥିମାନଙ୍କ ଦ୍ୱାରା ଗାନ୍ଧୀ ଦର୍ଶନ, ମାନବୀୟ ମୂଲ୍ୟବୋଧ, ସମ୍ବିଧାନ ରକ୍ଷା ଏବଂ କଂଗ୍ରେସର ସଂଗଠନ ବିଷୟରେ ଆଲୋଚନା କରାଯାଇଥିଲା। ଖୁବଶୀଘ୍ର ଜିଲ୍ଲା ଛାତ୍ର କଂଗ୍ରେସର ସମସ୍ତ କାର୍ଯ୍ୟକର୍ତ୍ତାଙ୍କ ନାମ ଘୋଷଣା କରାଯାଇ ଛାତ୍ରକଂଗ୍ରେସକୁ ତୃଣମୂଳ ସ୍ତରରେ ମଜବୁତ କରାଯିବ ବୋଲି ଛାତ୍ର କଂଗ୍ରେସ ସଭାପତି ଶ୍ରୀ ପ୍ରଧାନ ସୂଚନା ଦେଇଛନ୍ତି
