ବିଜେପିର ସମିତି ସଭ୍ୟ ପ୍ରାର୍ଥୀ ବିଜେଡି ସାମିଲ
ନୟାଗଡ଼,୧୧ା୧୧: ଦିନକୁ ଦିନ ଶକ୍ତିଶାଳୀ ହେଉଛି ବିଜେଡି । ନୟାଗଡ଼ ନିର୍ବାଚନ ମଣ୍ଡଳୀ ବିଜେଡିର ଏକ ଗଡ଼ ଭାବେ ପରିଚିତ ହେବାକୁ ଯାଉଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିତୀ ଆଦର୍ଶ ଓ ବିକାଶ ମୁଳକ କାର୍ୟ୍ୟରେ ଖୁସି ହୋଇ ଅନେକ ବିରୋଧୀ ନେତା ବିଜେଡିରେ ଯୋଗ ଦେଉଛନ୍ତି । ନୟାଗଡ଼ ବିଧାୟକ ଡ. ଅରୁଣ କୁମାର ସାହୁଙ୍କ ନିର୍ବାଚନ ମଣ୍ଡଳୀକୁ ରାଜ୍ୟରେ ଏକ ନମ୍ବର କରିବା ପାଇଁ ଯେଉଁ ପ୍ରଚେଷ୍ଟା ଜାରି ରଖିଛନ୍ତି । ବିକାଶରେ ସାମିଲ ହେବାକୁ ବିରୋଧୀ ଦଳର ନେତା ମାନେ ବିଜେଡି ମୁହାଁ ହେଉଛନ୍ତି । ଗତ ପଞ୍ଚାୟତ ନିର୍ବାଚନରେ କାଳିକା ପ୍ରସାଦ ପଞ୍ଚାୟତରେ ବିଜେପି ସମର୍ଥନରେ ସମିତି ସଭ୍ୟ ପ୍ରାର୍ଥୀ ହୋଇଥିବା ସୁରେଶ ଦୋରା ଆଜି ବିଜେଡିରେ ଯୋଗ ଦେଇଛନ୍ତି ।
ଆଜି ବିଜୁ ଜନତା ଦଳ କାର୍ଯ୍ୟlଳୟରେ ଶ୍ରୀ ଦୋରା ପହଞ୍ଚି ନୟାଗଡ଼ ବିଧାୟକ ଡ. ଅରୁଣ କୁମାର ସାହୁଙ୍କ ଉପସ୍ଥିତିରେ ବିଧିବଦ୍ଧ ଭାବେ ବିଜେଡିରେ ଯୋଗ ଦେଇଛନ୍ତି । କାଳିକାପ୍ରସାଦ ପଞ୍ଚାୟତର କେଶରପୁର ଗ୍ରାମର ଶ୍ରୀ ଦୋରା ଦଳରେ ସାମିଲ ହେବା ପରେ ପଞ୍ଚାୟତରେ ବିଜେଡି ଆହୁରି ଶକ୍ତିଶାଳୀ ହେବ ବୋଲି ଜଣାଯାଇଛି । ଏହି ମିଶ୍ରଣ ପର୍ବରେ ପୂର୍ବତନ ସମିତି ସଭ୍ୟ ସୁଶାନ୍ତ କୁମାର ଭଟ୍ଟ ଓ ପୂର୍ବତନ ସରପଞ୍ଚ କାଳୁଚରଣ ରାଉତ ପ୍ରମୁଖ ଉପସ୍ଥିତ ରହିଥିଲେ ।