ଛାମୁଣ୍ଡିଆ ବନ୍ୟପ୍ରାଣୀ ବନାଚଂଳ ରାଜିଙ୍ଗି ବିଟ୍ ହାଉସ ଅଧୀନ ହରିପୁର ଗ୍ରାମ ଗହିରି ବିଲରୁ ମଙ୍ଗଳବାର ଅପରାହ୍ନ ରେ ବୁଲା କୁକୁର ଙ୍କ ଆକ୍ରମଣ ଦ୍ଵାରା ଏକ ମୃତ ସମ୍ବର କୁ ବନ୍ୟପ୍ରାଣୀ ବିଭାଗ ଉଦ୍ଧାର କରିଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ , ନିକଟସ୍ଥ ଜଙ୍ଗଲରୁ ସମ୍ବରଟି ଖାଦ୍ୟ କିମ୍ଵା ପାଣି ପିଇବା ପାଇଁ ଗହିରି ବିଲ ମଧ୍ୟକୁ ଚାଲିଆସିଥିଲା । କେତେକ ବୁଲା କୁକୁର ସମ୍ବରଟିକୁ ଗହିରି ବଲରେ କାମୁଡି କାମୁଡ଼ି ମାରିଦେଇଥିବା ଜଣାପଡିଛି ।
ତେବେ ଛାମୁଣ୍ଡିଆ ବନପାଳ ପ୍ରତାପ କୁମାର ସେଠୀ ଓ ବନରକ୍ଷୀ ପ୍ରଦ୍ୟୁମ୍ନ ପ୍ରଧାନଙ୍କ ସମେତ ବନ କର୍ମଚାରୀମାନେ ସେହି ଅଞ୍ଚଳରେ ପାଟ୍ରୋଲିଂ କରୁଥିବା ବେଳେ ବୁଲା କୁକୁର ପଲ ମୃତ ସମ୍ବରକୁ ଜଗି ରହିଥିବା ଦେଖିବାକୁ ପାଇଥିଲେ । ପରେ ବନ୍ୟ ପ୍ରାଣୀ ବିଭାଗ ତରଫରୁ ଏକ ୟୁଡ଼ି ମାମଲା ରୁଜୁ କରାଯିବା ସହ ମୃତ ସମ୍ବରଟିକୁ ଜବତ କରି ବନାଚଂଳ କାର୍ଯ୍ୟାଳକୁ ଅଣାଯାଇ ବ୍ୟବଛେଦ ପରେ କାର୍ଯ୍ୟାଳୟ ପରିସରରେ ପୋତି ଦେଇଥିବା ବନ ପାଳଙ୍କଠାରୁ ସୂଚନା ମିଳିଛି । ତେବେ ମୃତ ସମ୍ବରଟି ଆନୁମାନିକ ୧ ବର୍ଷ ବୟସ ଓ ଓଜନ ୩୦ କିଲୋଗ୍ରାମ ହେବ ବୋଲି ସୂଚନା ମିଳିଛି । ନୟାଗଡ଼ରୁ ଜିତୁନ ମହାପାତ୍ରଙ୍କ ରିପୋଟ ନୟାଗଡ଼ ଟୁଡେ ।
