ନୟାଗଡ଼ ଜିଲ୍ଲା ସଦର ଥାନା ଅନ୍ତର୍ଗତ ଲକ୍ଷ୍ମୀପ୍ରସାଦ ଗ୍ରାମରେ ମା ଓ ପୁଅଙ୍କୁ କିଛି ବ୍ୟକ୍ତି ମରଣାନ୍ତକ ଆକ୍ରମଣ କରିଛନ୍ତି । ଏନେଇ ସଦର ଥାନାରେଗତ ସନ୍ଧ୍ୟା 7ଘଟିକା ରେ ଅଭିଯୋଗ ହୋଇଛି । ଉକ୍ତ ଗ୍ରାମ ର ଶାନ୍ତିଲତା ବିଧାର ଓ ତାଙ୍କ ପୁଅ ନବକିଶୋର ବିଧାର ଘର ଦୁଆରେ ଠିଆ ହୋଇ ଥିବା ବେଳେ ଉକ୍ତ ଗ୍ରାମର ମନୋଜ କୁମାର ଜେନା, ଶ୍ରୀଧର ଜେନା , ଜଳଧର ଜେନା, ଚନ୍ଦନ ଜେନା, ପହଲି ଜେନା ପ୍ରମୁଖ ସଂଘବଧ ଭାବେ ଗାଳି ଗୁଲଜ କରିବା ସହ କାଠ ଓ ଲୁହା ରଡ଼ରେ ଆକ୍ରମଣ କରିଥିଲେ ।
ମା ଓ ପୁଅଙ୍କ ଅବସ୍ଥା ଗୁରୁତର ରହିଥିବାରୁ ସେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଏନେଇ ଶାନ୍ତିଲତା ଥାନାରେ ଅଭିଯୋଗ ପରେ ପୁଲିସ୍ ଘଟଣାର ଛାନଭିନ୍ କରୁଥିବା ସୂଚନା ମିଳିଛି । ପୂର୍ବ ଶତ୍ରୁତା ଓ ରାଜନୈତିକ ଆକ୍ରୋଶ ରଖି ଆକ୍ରମଣ କରାଯାଇଥିବା ଅଭିଯୋଗ ହୋଇଛି । ଆକ୍ରମଣକାରୀ ବିଜେପି ସମର୍ଥିତ ବୋଲିି ଜଣାପଡିଛି ।