ନୟାଗଡ଼ ଜିଲ୍ଳା ଖଣ୍ଡପଡା ବ୍ଲକ ଅନ୍ତର୍ଗତ କୁମ୍ଭାରପଡା ରାମଚନ୍ଦ୍ର ଉଚ୍ଚ ପ୍ରାଥମିକ ମଧ୍ୟ ଇଂରାଜୀ ବିଦ୍ୟାଳୟ ପରିସରରେ ଭାରତର 78 ତମ ସ୍ଵାଧୀନତା ଦିବସ ଅବସରରେ ହର ଘର ତ୍ରିରଙ୍ଗା ମହୋତ୍ସବ ଅବସରରେ ଶିକ୍ଷାବିତ ଭିକାରି ସେଠୀ ସ୍ମାରକୀ ସ୍ମୃତି ପରିଷଦ ପକ୍ଷ ରୁ ପୁରସ୍କାର ବିତରଣ ଉତ୍ସବ ଗୁରୁବାର ଅନୁଷ୍ଠିତ ହୋଇଯାଇଛି l ସ୍ଥାନୀୟ ସରପଞ୍ଚ ଚିନ୍ମୟ କୁମାର ପଣ୍ଡା ମୁଖ୍ୟ ଅତିଥି ରୂପେ ଯୋଗଦେଇଥିବା ବେଳେ ମୁଖ୍ୟ ବକ୍ତା ରୂପେ ବିଦ୍ୟାଳୟ ପ୍ରଧାନ ଶିକ୍ଷକ କ୍ଷୀରୋଦ କୁମାର ପଣ୍ଡା, ସମ୍ମାନିତ ଅତିଥି ରୂପେ ପରିଚାଳନା କମିଟି ର ଅଧ୍ୟକ୍ଷା ଆରତୀ ନାୟକ,ଶିକ୍ଷକ ରମାକାନ୍ତ ପଣ୍ଡା, ରତ୍ନାକର କାହଁର , ଶିକ୍ଷୟିତ୍ରୀ ଜ୍ୟୋସ୍ନାରାଣୀ ଷଡ଼ଙ୍ଗୀ, ସରୋଜିନୀ ପଣ୍ଡା, ପ୍ରଦୀମ୍ନ କୁମାର ପ୍ରଧାନ,ପରିଚାଳନା କମିଟି ର ସଦସ୍ୟ ପ୍ରଭାତ କୁମାର ଖୁଣ୍ଟିଆ, ପ୍ରମୁଖ ଯୋଗଦେଇ ଶ୍ରୀଯୁକ୍ତ ସେଠୀ ଙ୍କ ସ୍ମୃତି ଚାରଣ କରିଥିଲେ l
ଏହି ଅବସରରେ ବିଦ୍ୟାଳୟ ର ଛାତ୍ର ଛାତ୍ରୀ ମାନଙ୍କ ମଧ୍ୟରେ ଓଡିଆ ବକୃତା, ଓଡ଼ିଆ ପ୍ରବନ୍ଧ, ଦେଶାତ୍ମକବୋଧ ସଂଗୀତ, ନୃତ୍ୟ,ତର୍କ ଆଦି ପ୍ରତିଯୋଗିତା ରେ ଅଂଶଗ୍ରହଣ କରିଥିବା କୃତି ଛାତ୍ରଛାତ୍ରୀ ମାନଙ୍କୁ ପରିଷଦ ତରଫରୁ ପ୍ରଶଂସାପତ୍ର, ଖାତା, ପେନ,ସିଲକପ ଆଦି ପ୍ରଦାନ କରାଯାଇଥିଲା l ଏତତ ବ୍ୟତୀତ କୁମ୍ଭାରପଡା ଗ୍ରାମର ଭାରତୀୟ ବାୟୁ ସେନାର ଅଗ୍ନିବୀର ଅକ୍ଷୟ କୁମାର ଦାଶ ଙ୍କୁ ଉତ୍ତରୀୟ ଓ ପୁଷ୍ପଗୁଛ ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା lପ୍ରତ୍ୟେକ ବର୍ଷ ସ୍ୱାଧୀନତା ଦିବସ ରେ ଏହି ଉତ୍ସବ ପାଳନ କରାଯାଉଥିବା ବେଳେ ଆଗାମୀ ବର୍ଷ କ୍ଲଷ୍ଟର ସ୍ତରୀୟ ଏହି କାର୍ଯ୍ୟକ୍ରମ କରାଯିବ ବୋଲି ପରିଷଦ ସଂଯୋଜକ ତଥା ଶିକ୍ଷାବିତ ଅଜୟ କୁମାର ସେଠୀ ଙ୍କ ଠାରୁ ପ୍ରକାଶ l
